Endi Koul: "MYu" joriy mavsum APLda g'olib chiqishga qodir emas"

Angliyaning «Manchester Yunayted» klubi sobiq hujumchisi Endi Koul jamoaning istiqboli haqida fikr bildirdi.

«Sulsher qo'l ostidagi jamoa bu mavsumda APLda g'olib chiqishga qodir deb hisoblamayman. Ayni paytdagi turnir jadvalidagi peshqadamlik – shuning o'zi yaxshi natija deb hisoblayman. Sulsher tanqidiy fikrlarga ajoyib tarzda javob qaytarmoqda.

Chempionatda g'olib chiqish uchun yanada yaxshiroq ishlash kerak. O'ylaymanki, hozirda «mankunianliklar»da joriy mavsumda chempion bo'lish uchun imkoniyat yo'q, lekin keyingi mavsumda barchasi o'zgaradi», - Koulning so'zlaridan iqtibos keltirmoqda talkSPORT.

Ayni paytda «Manchester Yunayted» 36 ochko bilan APL turnir jadvalini boshqarib kelmoqda.