"Barselona" Messisiz o'nta o'yindan beri yutqazmayapti

Kataloniyaning «Barselona» klubi Ispaniya Superkubogi yarim final doirasida «Real Sosedad» (1:1, 3:2 penaltilar bo'yicha) jamoasini mag'lubiyatga uchratib, finalga yo'l oldi.

Lionel Messi oyog'idagi noqulaylik uchun ushbu bahsda maydonga tushmadi.

Shu tariqa, «Barselona» Messisiz ketma-ket 10 ta o'yindan beri mag'lubiyatga uchramayapti.

Avvalroq "ko'k-anorranglilar" Messisiz 7 ta o'yinda g'alaba qozonib, 2 ta o'yinda durang natijasini qayd etgandi.