Gonsales va Neymar o'rtasida maydonda boshlangan "jang" "Tvitter"ga ko'chdi (foto)

«PSJ» hujumchisi Neymar va «Marsel» himoyachisi Alvaro Gonsaleslar «Tvitter» ijtimoiy tarmog'i orqali Frantsiya Superkubogi finalidan keyin "dahanaki jang" o'tkazdi. Ushbu bahs 2:1 hisobida parijliklarning g'alabasi bilan yakunlandi.

Uchrashuv yakuniga etgach, Neymar o'zining rasmiy sahifasi orqali «Qirol, shunday emasmi, Alvaro?» - deb o'z suratini joylab post qoldirdi. Himoyachi esa darhol bunga javob qildi: «Ota-onam har doim ahlatni tashlab yuborish kerakligi o'rgatishgan».

Avvalroq, ushbu jamoalarning Frantsiya chempionati doirasida bo'lib o'tgan uchrashuvidan keyin har ikki futbolchi o'rtasidagi ziddiyat yuzaga kelgandi. O'shanda Neymar Gonsalesni boshiga zarba bergandi, shu sababli, maydondan chetlatilgandi. Bundan tashqari, futbolchilar bir-birlarini +18 so'zlar bilan "siylashgan".