"Bavariya" ustozi jamoaning Kubokdan chiqib ketganidan hayratda

«Bavariya» bosh murabbiyi Xans Flik jamoasining 2020/2021 yilgi Germaniya kubogidan ketishi haqidagi fikrlari bilan o'rtoqlashdi. «Bavariya» ikkinchi raundda sensatsion tarzda mag'lubiyatga uchradi va penaltilar seriyasida "Golshteyn" jamoasiga yutqazdi.

«Albatta, biz hayratda qoldik. Natijadan hafsalamiz pir bo'ldi, chunki biz yana treblni qo'lga kiritishni xohlayotgandik. Hamma narsa shu tarzda sodir bo'lishi yoqimsiz.

Raqibni tabriklash kerak. "Golshteyn" xarakter va yuqori darajadagi fidoyilikni namoyish etdi. Ular yaxshi himoyalanishdi va ularning darvozaboni ajoyib o'yin namoyish etdi", - deya Flikning so'zlaridan iqtibos keltirmoqda "Bavariya" matbuot xizmati.