Libertadores Kubogida brazilcha final bo'ladi. «River Pleyt» va «Boka Xuniors» musobaqani tark etdi

Libertadores Kubogi yarim finalidan o'rin olgan uchrashuvlar 13–14 yanvar kunlari bo'lib o'tdi.

Yarim finallarda Braziliya va Argentina klublari qarama-qarshiligi kuzatildi. «Palmeyras» o'z uyida «River Pleyt»ni qabul qildi va 0:2 hisobida mag'lubiyatga uchradi. Biroq birinchi o'yinda qo'lga kiritilgan 3:0 hisobidagi g'alaba Braziliya klubini finalga olib chiqdi.

Yana bir uchrashuv «Santos» va «Boka Xuniors» jamoalari o'rtasida kechdi. Argentinadagi o'yin nursiz durang bilan tugagan bo'lsa, javob bahsida mezbonlar yirik hisobda zafar quchdi.

Shu tariqa Libertadores Kubogi finalida Braziliyaning ikki klubi o'zaro bahsga kirishadigan bo'ldi.

Libertadores kubogi, yarim final
13 yanvar, chorshanba
«Palmeyras» Braziliya — «River Pleyt» Argentina 0:2
Gollar: 0:1 – 29 Roxas, 0:2 – 44 Borre.
Chetlatish: Roxas, 73 («River Pleyt»)
Ilk o'yin — 3:0

«Santos» Braziliya — «Boka Xuniors» Argentina 3:0
Gollar: 1:0 – 16 Diego Pituka, 2:0 – 49 Soteldo, 3:0 – 51 Lukas Braga.
Chetlatish: Fabra, 56 («Boka Xuniors»)
Ilk o'yin — 0:0