«Atletiko» Dembelening transferini rasmiylashtirdi

Bir qator ommaviy axborot vositalari va insayderlarning xabar tarqatishicha, «Atletiko» 13 yanvar kuni «Lion» hujumchisi Mussa Dembelening transferini rasmiylashtirdi.

Mazkur ijara yarim yilga mo'ljallangan bo'lib, madridliklar 24 yoshl futbolchini yozda to'liq sotib olishlari mumkin. «Atletiko» ijara uchun «Lion» 1,5 mln evro to'laydi. "Matraschilar" transfer uchun 33,5 mln evro to'lashiga to'g'ri keladi. Shuningdek, klublar o'rtasidagi kelishuvda yana 5 mln. evro ko'zda tutiladi.

Mavsum-2020/21da Dembele «Lion» tarkibida barcha musobaqalar doirasida 10ta uchrashuvda maydonga tushib, 4ta gol urdi.