«Paxtakor»: Dostonbek Hamdamov jamoani erkin agent sifatida tark etdi

Yarim himoyachi Dostonbek Hamdamov "Paxtakor"ni erkin agent sifatida tark etdi. Bu haqda klub matbuot xizmati xabar tarqatdi.

"Hamdamov bilan klubimiz o'rtasida tuzilgan shartnoma yakunlangani sababli yarim himoyachi jamoamiz safini tark etdi. Doston ikki mavsum davomida "Sherlar" tarkibida Superigada 48 o'yinda 16 gol urgan bo'lsa, Chempionlar Ligasida 15 uchrashuvda ishtirok etdi. Ichki kuboklarda esa 11 bahsda 8 gol muallifiga aylandi. Ikki yilda u jamoamiz bilan besh sovringa ega chiqdi.

Faoliyatini BAA chempionatida davom ettirishga qaror qilgan Hamdamovga klubimizdagi o'yinlari uchun rahmat aytamiz va unga omad tilaymiz!", — deyiladi "Paxtakor" klubi tarqatgan xabardi.