JCh-2022 saralash. Yaman-O'zbekiston uchrashuvda Bahraynda o'tkazilishi mumkin

Yaman futbol assotsiatsiyasi Bahrayn futbol assotsiatsiyasiga murojaat qilib, JCh-2022 va Osiyo kubogi-2023 qo'shma saralash bosqichi doirasida bo'lib o'tadigan O'zbekistonga qarshi o'yinni Bahraynda o'tkazish uchun ruxsat so'radi.

Bahrayn futbol assotsiatsiyasining navbatdagi yig'inida ushbu masala ko'rib chiqiladi. Yaman va O'zbekiston milliy jamoalari o'rtasidagi o'yin 30 mart sanasiga belgilangan.

Ushbu jamoalar o'rtasida Toshkentda o'tkazilgan bahsda Abramov jamoasi 5:0 hisobida g'alaba qozongan edi. Ayni paytda O'zbekiston hisobida 9, yamanliklarda esa 5 ochko mavjud.