Angliyada 1-tur. Burilish nuqtasi
/ Kiritdi: BestMaster Ko'rilgan: 215
Lankashir grafligi, Angliya. 12.01.2021, mahalliy vaqt bilan soat 20:15. Aynan shu makon va vaqtda APL 1-tur (qoldirilgan) o'yini bo'lib o'tadi – “Byornli”- “Manchester Yunayted”.
"MYu" uchrashuvda g'alaba qozonsa “Liverpul”ni quvib o'tadi. Asli durang natija ham shu oqibatni taqdim etadi. Ammo, Sulsher shogirdlari durang uchun o'ynamasligi aniq. Gap shundaki, klub APLda so'nggi bor 8 yil ilgari chempionlikni qo'lga kiritgan va o'sha mavsumdan keyin rostmanasiga titul uchun poygada ishtirok etmagandi. Hali mavsumning katta qismi oldinda, ammo barcha (muxlislar, klubning sobiq futbolchilari-yu, befarq bo'lmagan ekspertlar) birdek bir narsani ta'kidlamoqda – yanvar oyidagi “Byornli”, “Liverpul”, “Fulhem” va “Sheffild”ga qarshi o'yinlar ushbu poygadagi "MYu" taqdirini hal qiladi. Ha, kelasi o'yin to'g'ridan-to'g'ri raqobatchi bo'lgan “Liverpul”ga qarshi bahs bor. Undan ilgari esa 16-o'rinda borayotgan Shon Daych futbolchilarining qarshiligini engish lozim va lobud.
Demak, bugun APLda 1-tur va peshqadam o'zgarishi mumkin. Balki, bu kim uchundir burilish nuqtasi bo'lar...
Birga ko'ramiz!
UzReport TV/soat 01:15.
Orif Tolipov.
Bosh sahifaga
216