La Ligada yana bir iste'fo ro'y berdi

Ispaniyaning "Ueska" klubi bosh murabbiyi Michel egallab turgan lavozimidan ozod qilindi. Bu hodisa kecha La Liga doirasida «Betis» klubiga 0:2 hisobida boy berilgan imkoniyatdan keyin yuz berdi.

Klub matbuot xizmatining tarqatgan ma'lumotiga qaraganda, murabbiyni ishdan olish borasida qarorni qabul qilish qiyin bo'lgan, biroq, murabbiyning almashtirilishi jamoaning o'yinlariga qo'shimcha turtki beradi, deyilmoqda.

18-turdan so'ng «Ueska» turnir jadvalining so'nggi pog'onalarini band etib turibdi. Jamoa shu kungacha atigi bitta o'yinda g'alaba qozongan.