Simeone so'nggi o'n yillikning eng yaxshi murabbiyi deb topildi

Halqaro futbol tarixi va statistika federatsiyasi (IFFHS) so'nggi 10 yillikning eng yaxshi murabbiyi deb "Atletiko" ustozi Diego Simeoneni topdi. Bu haqda tashkilot rasmiy sayti xabar bermoqda.

Ovoz berish tashkilotning 2011 yildan 2020 yilgacha bo'lgan reyting natijalari asosida o'tkazildi. Simeone tashkilotning 2016 yildagi eng yaxshi murabbiyiga aylandi va ovoz berishdi 152 ochko jamg'ardi.

2011 yilning eng yaxshi murabbiyi deb topilgan Xosep Gvardiola esa 144 ochko bilan ikkinchi o'rinni, 2019 yili IFFHS tomonidan eng yaxshi murabbiy deb topilgan Yurgen Klopp esa 105ochko bilan uchinchi o'rinni qo'lga kiritdi.

Keyin ro'yxatni Joze Mourinyu (91), Massimiliano Allegri (77), Unai Emeri (70), Zinedin Zidan (59), Karlo Anchelotti (57), Maurisio Pochettino (56) va "kuchli o'nlik"dan Marselo Galyardo (56) ham joy oldi.