Laporta: "Messiga "Barselona"da EChLni yutishi uchun imkoniyat berishimiz kerak"

Kataloniyaning "Barselona" klubi prezidentligiga nomzod sanalgan Joan Laporta Lionel Messini tarkibda saqlab qolish kerak degan fikrda.

- Biz Messiga "Barselona" tarkibida EChLda g'olib chiqishiga imkoniyat berishimiz kerak, bu haqiqat. Messini ustuvor vazifa nuqtai-nazardan saqlab qolishimiz kerak. "Barselona" tarkibida o'z vaqtida buyuk futbolchilar o'ynagan. Lekin, Leo — benazir. U dunyoning eng yaxshi futbolchisi, shuning uchun uni juda qadrlashadi. Bu savol "Barselona"da hamjihatlikni saqlab qolish uchun juda muhimdir. Agar bu voqea sodir bo'lmasa, u holda oldinga qadam tashlashimizga to'g'ri keladi. Qachonlardir bu narsani qabul qilish kerak, — dedi Laporta Goal portaliga.