London klubi Xitoydan futbolchi olmoqchi

Londonning «Vest Xem» klubi rahbariyati o'z safiga hujumchi qo'shib olmoqchi.

The Telegraph nashrining tarqatgan ma'lumotiga qaraganda, «bolg'achilar» Xitoyning «Shanxay SIPG» klubida to'p suryotgan avstriyalik hujumchi Marko Arnautovichni ijaraga olmoqchi. 31 yoshli hujumchi "Vest Xem" klubida 2017 yildan 2019 yilgacha to'p surgan.

Arnautovich Xitoy chempionatida 29 ta uchrashuv o'tkazib, 16 ta gol kiritishga va 4 ta golga assistentlik qilishga ulgurdi.