O'zbekiston U-19 ning raqiblari ma'lum

Malayziyaning Kuala-Lumpur shahrida shu yili Taylandda bo'lib o'tadigan Osiyo chempionati 2-saralash bosqichiga qur'a tashlash marosimi bo'lib o'tdi.   Qur'aga ko'ra O'zbekiston U-19 ayollar terma jamoasi "A" guruhida Avstraliya, Myanma va Nepal terma jamoalariga qarshi bahs olib boradi.   "V" guruhida esa Janubiy Koreya, Vetnam, Eron va Livan terma jamoalari joy olishdi. "A" guruhi saralash o'yinlari Myanmada bo'lib o'tsa, "V" guruhi vakillari Vetnamda Osiyo chempionati yo'llanmasi uchun kurash olib borishadi. Saralash bahslari shu yilning 26-30 aprel kunlari o'tkaziladi. Guruhlarda birinchi va ikkinchi o'rinni egallagan jamoalar Osiyo chempionati yo'llanmasini qo'lga kiritishadi. Osiyo chempionatida ushbu jamoalar Shimoliy Koreya, Yaponiya, Xitoy va Tayland terma jamoalariga qo'shilib, ikkita guruh hosil qilishadi. 
Taylandda bo'lib o'tadigan U-19 ayollar terma jamoalari ishtirokidagi Osiyo chempionati 2-saralash bosqichi

"A"  Avstraliya O'zbekiston Myanma Nepal   "B"  Janubiy Koreya Vetnam Eron Livan