«Arsenal» yosh futbolchi bilan yangi shartnoma imzoladi

18 yoshli himoyachi Zek Medli “Arsenal” bilan yangi bitimga imzo chekdi. Bu – uning professional faoliyatidagi ikkinchi shartnomasi.   Medli ushbu mavsumda “kanonirlar” safida uchta bahsda ishtirok etdi. U ilk bora “Arsenal” bilan​ 2017 yilning avgustida shartnoma imzolagan edi.   “Bu juda ajoyib. Klub bilan yangi shartnoma imzolashdan juda mamnunman va faxrlanaman. Men “Arsenal”ni bolalikdan qo'llab-quvvatlayman. Bu erda o'ynaydigan futbolchilarni yoshligimdan beri kuzataman. Hammasi ajoyib.   Albatta, Londonda o'ynab keta olaman. Bu uchun menda hammasi etarli”, - deydi futbolchi o'z intervyusida.   Eslatib o'tamiz, to'pchilar Angliya premer-ligasining 26-turidan so'ng, 50 ochko bilan beshinchi o'rinda borishmoqda. Ulardan yuqori o'rinda bo'lgan “Manchester Yunayted” hisobida esa 51 ochko mavjud.