De Bur de Beekka Ispaniyaga ko'chib o'tishini maslahat bermoqda

Niderlandiya terma jamoasi sobiq futbolchisi Ronald de Burning fikricha, "MYu" futbolchisi Donni van de Bek Ispaniya chempionatiga ko'chib o'tishi kerak.

Eslatib o'tamiz, 2020 yili Donni «Ayaksni «Manchester Yunayted»ga almashtirgandi. Hozircha niderlandiyalik yarim himoyachi haqiqatdan ham umidlarni oqlamayapti va uning o'yinlari yaxshi taasuroot qoldirmayapti.

«Evropa chempionati yaqinlashmoqda, Donni albatta ushbu musobaqada ishtirok etishni xohlaydi. Ehtimol, u o'z klubi bilan o'zidan nima kutashayotganini konkret gaplashib olishi kerakdir? Agar uning o'yin amaliyoti borasidagi vaziyat o'zgarmasa, Donni ijaraga ketishi yoki jamoani butunlay tark etishi kerak.

O'ylaymanki, uning o'yin uslubi ko'proq Ispaniya chempionatiga mos tushadi. Donnining jismoniy holati bo'yicha muammo yo'q, u buni «Ayaks» tarkibida isbotlagan», - dedi Ronald.