"Arsenal" sobiq futbolchisi: "O'zil hech qachon katta o'yinlarda o'zini ko'rsata olmagan"

Londonning «Arsenal» klubi sobiq futbolchisi Rey Parlor «kanonirlar» yarim himoyachisi Mesut O'zil haqida fikr bildirdi.

«Mesut – juda iqtidorli futbolchi, lekin unga mukammallik etishmaydi. Agar biz o'tmishga qaytadigan bo'lsak va uning katta o'yinlardagi ishtiroklarini eslaydigan bo'lsak, u holda, u katta o'yinlarda o'zining yaxshi sifatlarini ko'rsata olmaganini ko'ramiz. O'zil bunday o'yinlarda doim yo'qolib qolardi», - Parlorning so'zlaridan iqtibos keltirmoqda talkSPORT.