Sulsher: "Argentinalik futbolchilar bilan shartnomani uzaytirmaymiz"

Angliyaning «Manchester Yunayted» klubi bosh murabbiyi Ole-Gunnar Sulsher Serxio Romero va Markos Roxolarning kelajagi haqida fikr bildirdi.

«Bu ikki futbolchilarning shartnomalari mana shu mavsum oxirida yakunlanadi va biz ular bilan shartnomani uzaytirish niyatida emasmiz. Ular uchun jamoa topishga harakat qilamiz. Markos ayni paytda Argentinada bo'lib turibdi, biz unga o'z uyida bo'lishiga imkoniyat berdik. Romero haqida gapiradigan bo'lsam, u ham o'z oilasi davrasiga ketgan. Ularning ikkisi ham professional sanaladi, ularni qachonki chaqirsak, shu zahoti etib kelishadi», - dedi Sulsher Independent bilan suhbatda.