Mahalliy futbolchilarga e'tibor qaratmoqchi bo'lgan "Surxon" Serbiya, Rossiyadan o'yinchi taklif qildi

"Surxon" jamoasi bugundan Toshkentda navbatdagi mavsumga tayyorgarlikni boshladi. Bugun asosan tiklanish va jismoniy mashqlarga e'tibor qaratildi.

Avval ta'kidlab o'tganimizdek bu yili jamoa asosan mahalliy va yosh futbolchilarga e'tibor qaratadi.

O'tgan mavsumni ham jamoamiz tarkibida o'tkazgan Surxondaryolik tajribali yarim himoyachi Eldor Boymatov yana jamoamiz mashg'ulotlariga kelib qo'shildi.

"Sho'rtan" jamoasidagi o'zining ajoyib o'yinlari va gollari bilan muhlislarga yaxshi tanish bo'lgan Surxondaryolik hujumchi Jasur Xolto'raev ham jamoamiz mashg'ulotlarida ishtirok etmoqda.

Shuningdek, Yaypayning "Turon" jamoasiga o'tganligi haqida mish-mishlar tarqalgan yosh va tajribali himoyachi Ibroxim Yo'ldoshev ham mashg'ulotlarda ishtirok etmoqda.

Bu hali hammasi emas. Klubda selektsiya ishlari davom etmoqda.

Yaqin kunlarda Serbiya, Rossiya va Ukrainadan legionerlar kelib qo'shilishi kutilmoqda.

Eslatib o'tamiz, avvalroq "Surxon" 2021 yilda mahalliy va yosh iqtidorli futbolchilar xizmatidan foydalanishi haqida rasmiy kanali orqali rasmiy xabar bergandi.