Shomurodovning agenti «Yuventus»ning futbolchiga qiziqayotgani haqidagi xabarga izoh berishni istamadi

"Jenoa" hujumchisi Eldor Shomurodovning agenti, "ProSports Management" kompaniyasi rahbari Qahhor Mo'minov "Yuventus" klubi o'zbekistonlik futbolchiga qiziqish bildirayotgani haqidagi xabarlarga izoh berishni istamadi. Bu haqda soccernews xabar tarqatdi.

Eslatib o'tamiz, Tuttosport tarqatgan xabarga ko'ra, "keksa sinora" hozirda hujumchi qidirayotgan bo'lib, jamoa o'zbekistonlik futbolchining nomzodini ham ko'rib chiqmoqda.

25 yoshli Shomurodov 2020 yilning oktyabr oyida "Rostov"dan "Jenoa" o'tdi. Shu paytgacha u genuyaliklar safida 11ta o'yinda maydonga tushib, 2ta gol urdi va 2ta golga uzatma berdi. Transfermarkt Eldorni 6,5 million evroga baholagan.

Manba: soccernews.ru