Shifokor O'zbekiston milliy jamoasi Osiyo kubogi-2011da duch kelgan muammo haqida yozdi
/ Kiritdi: BestMaster Ko'rilgan: 158
2011 yil 7 yanvar kuni Osiyo kubogi doirasida mezbon Qatarni mag'lub etganimiz yoqimli xotira. Ammo, o'sha kuni yana bir noxush hodisa ro'y bergandi: O'yindan bir kun oldin, istiqomat qilayotganimiz – “Intercontinental” mehmonxonasi bosh oshpazi bilan ertangi kun taomnomasini tahlil qila turib, o'yin kuni biz uchun juda muhimligi; ertangi tushlikda boshqa emaklar barobarida asosiy urg'uni tovuq va spagettiga qaratishini so'rab, uni qanday tayyorlagan ma'qulligi haqida ham to'xtalib o'tdim.
O'yin kuni jamoa tushlikka kirib kelganida oshxonaning “shvedcha” – umumiy stolida birinchi ovqatdan tashqari faqatgina tovuq va makaron turardi; boshqa xech nima yo'q edi. Bosh oshpaz men aytgan “urg'u” so'zini “faqat” deb tushungan ekan.
Xullas, yarim och jamoa yarim asabiy holda o'yinga tayyorlandi, xunobim chiqib tushliksiz qolgan kamina esa bu vaziyatni faqat g'alaba silliqlashini bilib, Yaratgandan iltijo qilib turgandim o'shanda.
Abror Pirriev.
Bosh sahifaga
151