Premer-liga futbolchilar uchun ba'zi chelklovlarni e'lon qildi

Angliya professional futbol assotsiatsiyasi ayni paytda mamlakat bo'ylab koronavirus xavfining oshib borayotganini hisobga olgan holda klub va futbolchilar uchun ba'zi ta'qiqlarni qo'ydi.

The Times ning xabar berishicha, endi APLda o'yinoldi salomlashish jarayonlari o'tkazilmaydi. Shuningdek, futbolchilarning gol urganidan so'ng uni sheriklari bilan nishonlashi ham ta'qiqlanadi.

Ushbu qayd etilgan qoidalar bo'yicha bayonot Premer-liganing har bir futbolchisiga tarqatilgan.

Eslatib o'tamiz, APLda hozircha «Aston Villa», «Man Siti» hamda «Fulhem» klublarida virus aniqlangani bois bir qancha uchrashuvlar yana qoldirilishi mumkin.