Pochettino rahbariyat bilan transferlar borasida gaplashib oladi

Parijliklar bosh murabbiyi Mauriso Pochettino klub rahbariyati bilan qishki transferlar borasidagi maqsadlarini aniqlashtirib oladi.

Argentinalik mutaxassis kelasi hafta klub ijrochi direktori Leonardo bilan bu borada gaplashib olmoqchi. Leonardoning rejalariga ko'ra u xaridlar uchun katta summa ajratmoqchi emas.

Shu sababli futbolchilarning o'zaro rokirovkasi amalga oshishi kutilmoqda. Shuningdek, rahbariyat bir qator o'yinchilaridan yaxshigina daromad olmoqchi.

Xususan, Yulian Drakslerning jamoadan ketishi deyarli aniq bo'lib ulgurgan.

Pochettino esa sobiq shogirdlari Alli hamda Eriksenni jamoaga olib kelmoqchi.