«Liverpul» futbolchisi bilan kelisha olmayapti

Mersisaydliklar yarimhimoyachisi Jorjino Veynaldum klubning yangi taklifini rad etdi.

Sky Sports xabariga ko'ra Jiji maoshining oshirilishini talab qilmoqda. O'z navbatida «Liverpul» ham 30 yoshli futbolchini olib qolish niyatida, biroq taklifga o'zgartirish kiritmoqchi emas.

Eslatib o'tamiz, Veynaldumning «qizillar» bilan amaldagi shartnomasi shu yil yozda o'z yakuniga etadi. U joriy mavsum 24 ta o'yinda maydonga tushib 1 gol muallifiga aylangan.