«Lester» futbolchisi o'z mamlakatida yil o'yinchisi deb topildi

Angliyaning «Lester» klubi darvozaboni Kasper Shmeyxel o'z yurti Daniyada o'tgan yilning eng yaxshi futbolchisi deb topildi.

34 yoshli futbolchi bu nomga da'vogarlar ro'yxatida 36,5% ovoz yig'ib g'oliblikni qo'lga kiritdi. Shuningdek, nomzodlar orasidan «Tottenhem» a'zosi Per-Emil Xyoyberg hamda «Milan» himoyachisi Simon Kerlar ham joy olishgan edi.

Joriy mavsum Shmeyxel «tulkilar» safida 21 ta o'yinda maydonga tushib 7 marta «quruq» seriya qayd etdi.

Manba: soccernews