Blatter og'ir ahvolda shifoxonaga yotqizildi

FIFA sobiq prezidenti Yozef Blatter ahvoli og'irlashib qolgani uchun shifoxonaga yotqizildi. Bu haqda sobiq funktsionerning qizi xabar tarqatdi.

«Ha, mening otam shifoxonada. Kundan-kun holati yaxshilanmoqda. Ammo unga vaqt kerak va u dam olishi lozim», — dedi Korinn Blatter.

Manbaga ko'ra, 84 yoshli Blatterning ahvoli og'ir deya baholanmoqda. Ammo uning hayoti xavf ostida emas. Uning nima uchun shifoxonaga tushgani ma'lum qilinmadi.

Eslatib o'tamiz, Blatter 17 yil davomida FIFAni boshqarib, 20105 yil iyun oyida iste'foga chiqqan edi.