Roy Kin: "Yaxshi futbolchilar katta o'yinlarda o'zini ko'rsatadi, kecha Fernandesh hech narsa qilmadi"

Angliyaning «Manchester Yunayted» klubi sobiq sardori Roy Kin jamoa yarim himoyachisi Brunu Fernandesh haqida «Manchester Siti» (0:2) klubiga Angliya Liga Kubogida boy berilgan imkoniyatdan keyin fikr bildirdi.

«Futbolda sovrinni qo'lga kiritish oson emas. Brunu so'nggi bir necha oylarda katta maqtovlarga sazovor bo'ldi, odamlar uni Kantonaga tenglashtirishdi va hokazo. Ammo, "Manchester Siti"ga qarshi o'yinda Brunu haqiqatdan ham hech narsa qila olmadi.

Yaxshi futbolchilar o'zlarini katta o'yinlarda ko'rsatishadi. Kantona aynan shunday qilgan. Bu narsa bu jamoaga biroz etishmayapti.

«MYu»ga 1-2 nafar futbolchi kerak, shubhasiz, ularga yarim finalda g'alaba qozonish uchun mentalitet va ishonch kerak», – dedi Kin Sky Sports bilan suhbatda.