Pele o'ziga qo'yilayotgan ayblovlarni rad etdi

Futbol qiroli Pele yaqin kunlar davomida u haqida aytilayotgan mish-mishlarning asossiz ekanini ta'kidladi.

Gap shundaki, bir necha kun oldin Krishtianu Ronaldu o'zining faoliyati davomidagi 758-golini urgach, Pelening rekordini yangilagan edi (757). Biroq mashhur afsona o'z Instagram sahifasida o'zining raqamlarini 757dan 1238ga o'zgartirib qo'ygani ovoza bo'lib ketdi.

Pele esa bundayin ayblovlarni rad etdi: «Meni juda ko'pchilik raqamlarni o'zgartirganlikda ayblayapti. Ular bu bilan meni takabburga yo'yishmoqchi. Ammo bular yolg'on, sahifa ochilganidan buyon hech nima o'zgartirilmagan. Men jahon yulduzlarini tan olaman», - deydi Pele.

Manba: goal.com