Messi to'purarlar poygasida peshqadamlar qatoriga qo'shildi

Kecha La Liganing qoldirilgan uchrashuvi doirasida «Barselona» «Atletik» bilan bahs olib bordi va 3:2 hisobida g'alabaga erishdi.

O'yinda Messi dublga erishib, o'zining ichki chempionatdagi gollari sonini 9 taga etkazib oldi. Bu bilan argentinalik forvard shuncha gol urgan urgan Luis Suares («Atletiko»), Yago Aspas («Selta») hamda Jerar Moreno («Vilyarreal»)larga etib olgan holda La Liga to'purarlari ro'yxatini boshqarib turibdi.

Joriy mavsum Messi «Barselona» safida 20 ta o'yin o'tkazib 12 ta gol urgan.