"Roma"ning sobiq darvozaboni jiddiy YTHga uchradi

O'tmishning mashhur darvozaboni, ayni paytda Rimning "Roma" klubida direktor lavozimida ishlayotgan Morgan De Sanktis jiddiy YTHga uchradi.

YTH kecha kechasi Rim shahrida sodir bo'ldi. Sobiq darvozabon qovurg'a va belidan jiddiy jarohat oldi. Shifokorlar De Sanktisni talog'ini olib tashlashga majbur bo'lishdi.

43 yoshli De Sanktis "Peskara", "Yuventus", "Udineze", "Sevilya", "Galatasaray", "Napoli", "Roma" va "Monako" klublari sharafini himoya qilgan. Italiya terma jamoasida esa 6 ta uchrashuv o'tkazgan.