Rifat Akramxo'jaev — «Surxon» bosh murabbiyi

«Surxon» klubi yangi mavsum uchun murabbiy shtabini tasdiqladi, deya xabar bermoqda klub matbuot xizmati.

Yangi mavsumga jamoani Rifat Akramxo'jaev bosh murabbiy sifatida boshqarib boradigan bo'ldi. Rifat Akramxo'jaevga yoshlar bilan ishlash bo'yicha katta tajribaga ega. Unga «Paxtakor»dagi faoliyati orqali muxlislarga yaxshi tanish bo'lgan Rustam Oripov yordam beradi.

Shuningdek, Akramxo'jaevga murabbiylar shtabida faoliyatini yakunlagan futbolchi Rahmatullo Berdimurodov, Ikromjon Ibragimov, Shuhrat Rahmonkulov va darvozabonlar murabbiyi Shavkat Abduxo'jaev yaqindan yordam beradi. Bahromjon Haydarov esa klubda katta murabbiy sifatida faoliyat yuritadi.

«Surxon» klubi 7 yanvar kunidan Toshkentda yangi mavsumga tayyorgarlikni boshlaydi.

Eslatib o'tamiz, «Surxon» o'tgan mavsumda Ravshan Haydarov va Vladimir Andreev qo'l ostida to'p surgan va mavsumni 12-o'rinda yakunlagandi.

Manba: https://t.me/FCSURXON_OFFICIAL