Gvardiola De Bryuynening jamoada qolishiga ishonmoqda

«Man Siti» ustozi Pep Gvardiola jamoa etakchilaridan biri Kevin de Bryuyne kelajagi haqida fikr bildirdi.

«Menimcha, Kevin biz bilan shartnomasi yakuniga etkunga qadar qoladi. Lekin biz unga hurmat saqlagan holda o'z shaxsiy qarorlarini chiqarishiga to'sqinlik qilmaymiz. Qaysi klubni tanlashi - bu uning xohishi.

Lekin men hali rahbariyat bilan bu masalada gaplashganim yo'q va yangi shartnoma borasida tayinli gap ayta olmayman. Kevin ham bizning hurmatimizni yaxshi anglab turibdi. Men uning kelajagi borasida ortiqcha xavotir olganim yo'q», - deydi Pep.

Eslatib o'tamiz, De Bryuynening «shaharliklar» bilan amaldagi shartnomasi 2023 yilning yoziga qadar mo'ljallangan.

Manba: goal.com