Sulsher Kloppning kinoyasiga javob qaytardi

«MYu» bosh murabbiyi Ole Gunnar Sulsher o'z jamoasiga qarata Kloppning aytgan kinoyalariga javob qaytardi.

«Men boshqalar uchun penaltilarni sanab yurmayman. Bunga vaqtim ham yo'q. Bizning holatimizni nega qolganlar muhokama qilishiga tushunishim qiyin bo'lyapti.

O'tgan yili Angliya kubogining "Chelsi"ga qarshi yarim finalida biz penalti tepishimizga to'g'ri keldi. Lekin hakam buni keyinchalik bekor qilgandi. Men esa bu vaziyatga e'tiroz bildirmaganman.

Ko'pchilik bizni penaltilar bilan birga tilga olishlari meni ranjitadi. Bu bizga bog'liq jarayon emas», - deydi Sulsher.

Eslatib o'tamiz, bundan avvalroq Klopp «MYu»ni eng ko'p penaltilarni ijro etuvchi klub deya istehzo qilgandi.