Sulsher "Manchester Siti"ga qarshi o'yindan oldin nimalar dedi?

Angliyaning «Manchester Yunayted» klubi bosh murabbiyi Ole-Gunnar Sulsher Angliya Liga Kubogi yarim final bosqichida «Manchester Siti» klubiga qarshi bo'lib o'tadigan o'yindan oldingi fikrlarini bildirib o'tdi.

Bugun Manchester shahri klublari Liga Kubogi final yo'llanmasi uchun bahs olib boradi.

«Aston Villa»ga qarshi o'yindan keyin to'rt kun dam oldik, shu sababli, umid qilamanki, biz etarlicha kuch yig'ib oldik. Bu qiyin mavsum, ammo biz davom ettirilayotgan rotatsiyadan foyda olyapmiz. Kuch yig'ib olgan futbolchilarga ega bo'lish muhim omil bo'ladi.

«Manchester Siti» «Chelsi»ga qarshi o'yinda yuqori tempda o'yin namoyish etdi. Bu men uchun syurpriz bo'lmadi, chunki ular tayyorgarlik uchun ko'proq vaqtga ega edi», - dedi norvegiyalik murabbiy.