«An-Nasr» Masharipov bilan shartnoma imzolashni eplay olmadi

"Paxtakor" yarim himoyachisi Jaloliddin Masharipov Saudiya Arabistonining «An-Nasr»ga o'tishi amalga oshmaydigan bo'ldi. Ar-riyodliklar mazkur transferni amalga oshira olishmadi.

Gap shundaki, "An-Nasr" avvalgi transferlar va ayrim futbolchilardan maosh borasida 75 million rial (20 million dollar) miqdorida qarzdorligi mavjudligi sababli klubga qishki transfer paytida yangi o'yinchilarni o'tkazishga ruxsat berilmagan.

Jumladan, klub futbolchilarga 50 million rial miqdorida maosh to'lab berishi kerak. Bundan tashqari, jamoa "Al-Qodisiya" va "At-Ta'vun" klublaridan 10 va 8 million rial, o'yinchi Abdulloh as-Salimdan 6,5 million rial miqdorida qarzdor.

Bu ham etmagandek, «An-Nasr» bosh murabbiy Rui Vitoriyani muddatidan avval iste'foga chiqardi va jamoa endi unga ham kompensatsiya pulini to'lashga majbur.

Shu bois, Masharipovning yanvar oyida Saudiya Arabistoni chempionatiga ko'chib o'tishi amalga oshmadi.