«Liverpul»dan navbatdagi antirekord!

Angliya nashrlarida yaqin soatlar ichida «Liverpul» mavzusi ancha ommalashgan. Klub «Sautgempton»ga qarshi bahsdagi mag'lubiyatdan so'ng yomon seriyalaridan birini qayd etdi.

Jamoa APLning so'nggi 3 o'yinidan beri g'alaba qozona olmayapti. Klopp shogirdlari bundan avvalgi ikkita o'yinda «Vest Brom» (1:1) hamda «Nyukasl» (0:0) bilan durang o'ynagan edi.

Ushbu natija «qizillar»ning 2018 yildan beri qayd etgan eng yomon ko'rsatkichi hisobalanadi. O'shanda ham g'alabasiz seriya 3 ta bahsgacha borgan.