«Milan»da «Yuventus»ga qarshi bahs oldidan yo'qotishlar bor

Milanliklar matbuot xizmati «Yuventus»ga qarshi muhim bahs oldidan jarohatlangan futbolchilar ro'yxatini e'lon qildi.

Hozircha klubning asosiy mashg'ulotlar bazasiga Zlatan Ibragimovich, Aleksis Salemakers, Ismael Bennaser hamda Matteo Gabbiyalar qo'shilishmagan. Ular individual tarzda tayyorgarlik jarayonlarini olib borishmoqda. Uchrashuvda ishtirok eta olmasliklari deyarli aniq bo'lib ulgurgan. Shuningdek, «rossonerilar» diskvalifikatsiyaga uchragan Sandro Tonali xizmatlaridan ham foydalana olmaydi.

Eslatib o'tamiz, «Milan» hamda «Yuventus» bahsi 6 yanvar sanasida bo'lib o'tadi.