«Inter» «Liverpul» futbolchisi uchun asosiy da'vogar

Milanning «Inter» klubi «Liverpul» a'zosi Divok Origi xizmatlariga jiddiy qiziqish bildirmoqda.

Calciomercato xabarlariga ko'ra, klub hozircha belgiyalik futbolchi uchun asosiy da'vogarlardan biri bo'lib turibdi. «Neradzurrilar» Divokni qishki transferlar oynasida ijara asosida sotib olishga harakat qilib ko'radi.

Shuningdek, futbolchi uchun kurashga «Yuventus», «Shalke» va «Vulverxempton» klublari ham qo'shilgan.

Origi joriy mavsum mersisaydliklar safida 8 ta o'yinda maydonga tushib 1 gol va 1 assist muallifiga aylandi. Uning amaldagi shartnomasi 2024 yilgacha mo'ljallangan.