"Bavariya" ustozi: "Irodamiz evaziga g'alaba qozondik"

Myunxenning "Bavariya" klubi bosh murabbiyi Xans-Diter Flik Bundesliga doirasida "Manyts" (5:2) ustidan qo'lga kiritilgan yirik hisobdagi g'alaba haqida fikr bildirdi.

"Ikkinchi bo'limda amalga oshirgan o'zgartirishlarimiz bizga foyda olib keldi. Birinchi bo'limda etishmagan yakkakurashlarga ikkinchi taymda ko'proq urg'u berdik. Bizda bir qator vaziyatlar yuzaga keldi, ammo raqib xavfli edi. Qolaversa, himoyadagi yakkakurashlarda kam yutdik. Ikkinchi bo'limda mana shu jihatga ham e'tibor qaratdik. Shundan so'ng biz yaxshi o'yin namoyish etdik va irodamiz evaziga g'alaba qozondik. Birinchi bo'limda ko'rsatgan o'yinimiz yaxshi chiqmaganini barchamiz tushunib turgandik", - Flikning so'zlaridan iqtibos keltirmoqda klub rasmiy sayti.