"Atletik"ni kim boshqarishi ma'lum bo'ldi

55 yoshli mutaxassis Marselino Toral Bilbaoning «Atletik» klubini boshqarishi ma'lum bo'lganligi haqida Marca nashri xabar tarqatmoqda.

Tomonlar yaqin soatlar ichida shartnoma imzolaydi. Yangi shartnoma mavsum yakunigacha mo'ljallangan bo'ladi.

Avvalroq klub rahbariyati Gaiska Garitanoni egallab turgan lavozimidan ozod qilganligi haqida rasmiy ma'lumot tarqatishgandi.

Marselino 2019 yilning kuzida «Valensiya» klubi prezidenti bilan yuzaga kelgan ziddiyatdan keyin jamoadan ketishga qaror qilgandi.