Ronaldu ketma-ket 15ta mavsumdan beri kamida 20ta gol urmoqda

«Yuventus» hujumchisi Krishtianu Ronaldu Italiya chempionatining 15-turi doirasida «Udineze»ga qarshi o'yinda (4:1) ikkita gol urishga muvaffaq bo'ldi.

Shu tariqa, Ronaldu joriy mavsumda klub va terma jamoa safidagi gollari soni 21taga etdi. "Opta" tarqatgan xabarga ko'ra, portugaliyalik futbolchi ketma-ket 15ta mavsumdan beri kamida 20tadan gol urib kelmoqda.

35 yoshli futbolchi 2018 yildan buyon «Yuventus» sharafini himoya qilib kelmoqda. Bungacha portugaliyalik o'yinchi «Real», «Manchester Yunayted» va «Sporting» jamoalarida o'ynagan.