"Milan" ustozi: "Ijobiy natijaga ishondik"

Italiyaning «Milan» klubi bosh murabbiyi Stefano Pioli A Seriya doirasida «Benevento» (2:0) qarshi o'yindan ko'ngli to'lganini yashirmadi.

«Yana bir kishi kam bo'lib harakat qildik. Bor kuchimizni ishga soldik va ijobiy natijaga ishondik. Bu biz uchun katta g'alaba.

Kiyinish xonasida Tonalini quchoqlab qo'ydim, u kayfiyatsiz edi, chunki birinchi bo'limdayoq jamoani bir kishi qolishiga sababchi bo'lgandi.

Raqiblar bosim o'tkazadimi? Biz o'zimizga o'zimiz bosim o'tkazamiz, o'z o'yinimizga nisbatan talabchan bo'lishimiz kerak», - dedi Pioli Sky Sport Italia bilan suhbatda.