"Latsio" ustozi: "Shunday o'ynashda davom etsak, turnir jadvalidagi vaziyatimiz og'irlashadi"

Rimning «Latsio» klubi bosh murabbiyi Simone Indzagi A Seriya doirasida «Jenoa» (1:1) klubiga qarshi qayd etilgan durangdan keyingi fikrlari bilan o'rtoqlashdi.

«Birinchi bo'limda yaxshi o'ynadik va yana bitta gol kiritishga yaqin kelgandik. Ikkinchi bo'limda ular bizdan yaxshi o'ynadi, lekin biz o'tkazib yuborgan golga javob berishimiz mumkin. Xafamiz, chunki bugun uch ochko olmoqchi edik.

Endi bor e'tiborimizni «Fiorentina»ga qarshi bo'ladigan o'yinga qaratishimiz kerak. O'zimizga kelib olishimiz kerak, hozir turnir jadvali yaxshi ko'rinishda emas, agar mana shunday o'ynashda davom etsak, jadvaldagi vaziyatimiz og'irlashadi», - dedi Indzagi Sky Sport bilan suhbatda.