«Borussiya»ning to'rt nafar futbolchisi «Tottenxem»ga qarshi uchrashuvni o'tkazib yuboradi

Dortmundning “Borussiya” klubi chempionlar ligasi doirasida “Tottenxem”ga qarshi o'yin oldidan bir qator muammolarga duch keldi.

Ushbu uchrashuvni Marko Roys (boldiridan jarohat olgan), Pako Alkaser (elkasida muammo bor), Yulian Vaygl (gripp) va Lukash Pishchek (oyog'ida og'riqlar kuzatilgan) o'tkazib yuboradi. Ushbu futbolchilar jamoalari bilan birgalikda Londonga uchishmagan.

Argentinalik yosh himoyachi Leonardo Balerdi  esa aksincha dortmundliklar bilan Angliyaga yo'l olgan.