Gvardiola: "Stemford Bridj"da fantastik g'alabani qo'lga kiritdik"

Angliyaning «Manchester Siti» klubi bosh murabbiyi Pep Gvardiola APL doirasida «Chelsi» (3:1) ustidan qo'lga kiritilgan g'alaba haqidagi fikrlari bilan o'rtoqlashdi.

«Bugun juda yaxshi o'ynadik. Afsuski, «Chelsi» so'nggi daqiqalarda gol kiritdi, lekin biz «Stemford Bridj»da fantastik g'alabani qo'lga kiritdik. Juda muhim g'alaba.

«Chelsi» so'nggi paytlardagi natijalariga qaramasdan, kuchli jamoa sanaladi. Shunchaki ularning zahiradagi futbolchilarining saviyasiga qarang. Bugungi rejamiz o'zini oqladi. Bugun futbolchilar katta hajmdagi ishni amalga oshirishdi, ayniqsa to'p bilan muomala qilishni yaxshi uddalashdi.

Angliya Premer-ligasining bu yilgi mavsum har jabhada g'alati o'tmoqda, o'yin paytida bor e'tiborimizni bahsga qaratishimiz va boshqa narsalar haqida o'ylamasligimiz kerak», - Gvardiolaning so'zlaridan iqtibos keltirmoqda Sky Sports.