"Roma" ustozi: "Yanada ko'proq gol urishimiz mumkin edi"

Rimning «Roma» klubi bosh murabbiyi Paulu Fonseka A Seriya doirasida «Sampodoriya» (1:0) ustidan qo'lga kiritilgan g'alaba haqidagi fikrlari bilan o'rtoqlashdi.

«Biz uchun eng muhimi – g'alaba. Jamoamizda hammasi yaxshi, ko'p ishlayapmiz va mukammallashib boryapmiz. Bugun o'yinni nazorat qildik va uch ochkoni uchun haqli edik. Yanada ko'proq gol urishimiz mumkin edi.

Qishki transfer bozori? Ko'ramiz, yanvar oyida nimalar ro'y berarkin. Rahbariyat bilan gaplashaman, jamoaga nima kerakligini ular bilishadi», - Fonsekaning so'zlaridan iqtibos keltirmoqda DAZN.