Suaresning so'nggi daqiqada urgan goli «Atletiko»ga g'alaba keltirdi (videosharh)

Ispaniya chempionatining 17-turi doirasida «Atletiko» klubi safarda «Alaves» mehmoni bo'lib ochko yo'qotishiga bir baxya qoldi.

Birinchi bo'lim tugashiga 4 daqiqa qolganida Markos Lorente madridliklarni hisobda oldinga olib chiqdi.

Uchrashuvning 63-daqiqasida mezbonlar himoyachisi Laguardia maydonda chetlatildi. Maydonda o'n kishi bo'lib qolgan "Alaves" o'yin tugashiga 6 daqiqa qolganida hisobni tenglashtirishga muvaffaq bo'ldi.

So'nggi daqiqa esa Luis Suares mezbonlar darvozasini ishg'ol qilib, "Atletiko"ga 3 ochko keltirdi. Ushbu g'alabadan keyin Simeone jamoasi o'z ochkolarini 38taga etkazib, yana birinchi o'ringa qaytdi.

Ispaniya La ligasi, 17-tur
Alaves – Atletiko 1:2 (0:1, 1:1)
Gollar: 0:1 – 41 Lorente, 1:1 – 84, avtogol Felipe, 1:2 – 90 Suares.
Alaves – Pacheko, Laguardia, Xavi Lopes (Marin, 89), Agirregabiria, Lejen, Sayns (Rioxa, 68), Mendes (Lukas Peres, 75), Battalya, Manu Garsiya (Tachi, 68), Xota, Deyverson (Xoselu, 75).
Atletiko – Oblak, Ermoso, Ximenes, Felipe (Lodi, 88), Vrsalko, Lemar, Koke, Karrasko (Saul, 82), Lorente, Korrea (Joau Feliks, 62), Suares.
Ogohlantirishlar: Karrasko (29), Suares (90).
Chetlatish: Laguardia (63).