Tuxelning yordamchisi: «PSJ»ning qarori bizni shokka tushirdi»

«PSJ» klubida Tomas Tuxelga yordamchi vazifasida ishlagan Jolt Lev murabbiylar shtabining iste'foga chiqarilishi borasida o'z fikrini bildirib o'tdi.

«Klub 23 dekabr kuni «Strasbur» ustidan 4:0 hisobida g'alaba qozonganidan so'ng jamoa sport direktori Leonardo bizni to'pladi va "PSJ" Tomas Tuxelni iste'foga chiqarayotganini e'lon qildi.

2020 yildagi jiddiy qiyinchiliklar, "PSJ" Chempionlar ligasi finaliga chiqib, tarixiy natija qayd etganidan so'ng, Frantsiya chempionati ayni qizg'in pallaga kirgan paytdagi iste'foni qabul qilish qiyin.

Bundan tashqari, juda ko'plab jarohatlar va koronavirusga qarshi kurash natijalarimizga o'z ta'sirini ko'rsatdi. O'ylashimcha, yil yakunini professional muvaffaqiyat, deb atashimiz mumkin. Biz haqiqatan ham kutilganidan yaxshiroq natija qayd etdik», – dedi mutaxassis.

«PSJ» 29 dekabr kuni Tuxelning iste'fosini rasman e'lon qildi. Maurisio Pochettino esa klubning yangi bosh murabbiyi etib tayinlandi.