Lempard: «Koronavirusga chalingan ba'zi futbolchilar shikoyat qilishmoqda»

Londonning«Chelsi» klubi bosh murabbiyi Frenk Lempard koronavirusga chalingan ba'zi futbolchilar kasallikdan so'ng o'zlarini yomon his qilishlarini aytib o'tdi.

«Bu nafaqat men uchun katta muammo, balki klublarimiz shifokorlari uchun ham, chunki ba'zi futbolchilar alomatlarsiz kasallanishdi va bir necha kundan so'ng mashg'ulotlarga qaytib yuqori saviyada ishlashni boshlashdi, ba'ki o'yinchilarning tiklanish jarayonlari juda sekin ketmoqda.

Ular charchoq va sustlikdan shikoyat qilishmoqda. Mavjud vaziyatning yangiligini hisobga olib, biz buni baholay olmaymiz. Bizda futbolchilarni tezroq yuqori darajaga qaytarish uchun ishonchli usullar mavjud emas.

Bu Liganing muammosi emas. Bu mavsum o'zgacha bo'ladi», – dedi Lempard.