FIFA Tripperning diskvalifikatsiyasini vaqtinchalik to'xtatdi

FIFA "Atletiko" himoyachisi Kiran Tripperning Angliya futbol assotsiatsiya tomonidan qo'yilgan ta'qiqni vaqtinchalik to'xtatib qo'yganligi haqida The Athletic nashri xabar tarqatmoqda.

30 yoshli himoyachi totalizatorga pul tikish qoidalarini buzganligi sababli, 10 haftaga diskvalifikatsiya qilingan edi. Ushbu voqea 2019 yili futbolchining "Tottenxem"dan "Atletiko"ga o'tayotganida sodir bo'lgandi. Xabarda aytilishicha, "Atletiko" himoyachining diskvalifikatsiya ustidan shikoyat qilmoqchi.

FIFA "Atletiko"ga Tripperning diskvalifikatsiyasi vaqtinchalik to'xtatib turilishi borasida ogohlantirdi. Madrid klubi FA ustidan sporti arbitraj sudiga shikoyat qilmoqchi.